Sardu e inglesu cara a cara

Sa Edes at publicadu unu libru de Maria Antonieta Meloni e Clara Farina chi ponet a cumparàntzia ambas duas sas limbas
di Salvatore Taras
TÀTARI -  No est una grammatica de sa limba sarda, ma si tratat de duas limbas postas a cumparàntzia, indiritzadu a sos istudiantes. “Sardu e Inglesu cara a cara – Sardinian and English face to face”, est sa publicatzione finale de su progetu finantziadu dae s'amministratzione provintziale de Tàtari gràtzias a sa lege regionale 26.
Publicadu dae sa Edes, acurtzu a sas 80 pàginas, cun sa grafica de Giovanni Silecchia, su cuadernu est su frutu de su traballu de sos alunnos de sa classe segunda (de s'annu passadu) de s'istitutu Alberghiero (Ipseoa) de Tàtari.
Su progetu est istadu fatu gràtzias a s'aficu de su professore Salvadore Sfodello, in su ruolu de coordinadore, e de sas professoressas Maria Antonieta Meloni e Clara Farina, chi ant batidu sos istudentes a sa iscoberta e s'impreu de sa limba sarda, pro mèdiu de s'atividades interativas in classe fatas in sardu e in inglesu segundu su modellu de sos testos parallelos subra de argumentos de livellu A1.





"Progetu realizadu cun sa partetzipatzione de sa Regione Autonoma de Sardigna - L.R. 26/97 subra sa limba e sa cultura sarda"
© Riproduzione non consentita senza l'autorizzazione della redazione