Su "fotoreporter" Fabrizio Moro
mortu pro infarto a 36 annos

di Salvatore Taras
Fiat unu apassionadu mannu de fotografia, unu de sos prus nòdidos fotoreporters de sa tzitade, chi aiat traballadu pro S'Unione Sarda e pro Metro-Sassari, mancari "freelance". Una laurea in Comunicatzione e una in Architetura, impignadu dae tempus in s'assòtziu Tamalaka, eris sero est mortu pro un'infartu fulminante in su mentres fiat faghende un'allenamentu de capoeira, una ispèssia de arte martziale brasiliana, un'àtera manna passione sua. Finas su frade, paritzos annos faghet fiat mortu pro problemas a su coro.
Sos mèigos de su 118 ant fatu su possìbile pro lu sarbare, ma non b'est istadu nudda de fàghere.
Isse aiat apena comintzadu a s'allenare cun àteros amigos in sa sede de s'Ex-Q, cando at intesu unu dolore mannu a sa pala, e s'est faladu.
Sunt arrivadas in pagu tempus duas ambulàntzias. Sos mèigos ant tentadu de totu, ma su coro mannu de Fabrìtzio no est torradu a bàtere.

 



"Progetu realizadu cun sa partetzipatzione de sa Regione Autonoma de Sardigna - L.R. 26/97 subra sa limba e sa cultura sarda"
© Riproduzione non consentita senza l'autorizzazione della redazione